ເປີດຮຽນເອກະສານ

ລາຍລະອຽດ

ສ້າງຂື້ນເມື່ອ ວັນສຸກ, 18 ກັນຍາ 2020 07:23

ຂຽນໂດຍ ບຸນມີ ໄຊຍະກຸມມານ

ຄະນະໂຄສະນາອົບຮົມແຂວງ ເປີດຮຽນເອກະສານໃຫ້ມະຫາຊົນຜູ້ກ້າວໜ້າເປົ້າໝາຍຂະຫຍາຍເຂົ້າພັກປະຊາຊົນ ປະຕິວັດລາວ ຊຸດທີ VIII ປະຈຳປີ 2020

         ໃນກາງເດືອນ ກັນຍາ ຜ່ານມານີ້; ຢູ່ຫ້ອງປະຊຸມຄະນະໂຄສະນາອົບຮົມແຂວງ ໄດ້ເປີດ-ປິດ ພິທີ ອົບຮົມຮຽນສະໜັບສະໜູນ ໃຫ້ແກ່ມະຫາຊົນຜູ້ກ້າວໜ້າ ເປົ້າໝາຍຂະຫຍາຍເຂົ້າພັກ ພັກປະຊາຊົນ ປະຕິວັດລາວ ຊຸດທີ່ 8

ປະຈຳປີ2020 ຂື້ນຢ່າງເປັນທາງການ. ໂດຍເປັນປະທານຂອງ ສະຫາຍ ຄຳຫຼ້າ ລຽນປະດິດ ກຳມະການປະຈຳພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ ມີວິທະຍາກອນ, ພ້ອມດ້ວຍຄະນະຮັບຜິດຊອບ ແລະ ສຳມະນາກອນ ມາຈາກ ຄະນະພັກຮາກຖານ ພະແນກພະລັງງານ ແລະ ບໍ່ແຮ່ ລວມທັງໝົດ 24  ສະຫາຍ, ຍິງ 3 ສະຫາຍ.

         ສຳລັບບົດຮຽນທີ່ນຳໃຊ້ເຂົ້າໃນການອົບຮົມໃນຄັ້ງນີ້. ແມ່ນໄດ້ນຳໃຊ້ເອກະສານຈາກຄະນະ ໂຄສະນາອົບຮົມສູນກາງພັກກຳນົດໃຫ້, ເຊິ່ງມີ 11 ຄຳຖາມ 11 ຄຳຕອບ, ໃຊ້ເວລາ 2 ວັນເຕັມ, ໃນນັ້ນໃຊ້ເວລາບັນຍາຍເອກະສານ 10 ຊົ່ວໂມງ, ເວລາເປີດປິດ ແລະ ມອບໃບຢັ້ງຢືນ 4 ຊົ່ວໂມງ ລວມທັງໝົດ 14 ຊົ່ວໂມງ.

         ຈຸດປະສົງຂອງການຝຶກອົບຮົມຄັ້ງນີ້ ເພື່ອໃຫ້ມະຫາຊົນຜູ້ກ້າວໜ້າທີ່ຈະຂະຫຍາຍເຂົ້າເປັນ ສະມາຊິກພັກ ຮັບຮູ້ເບື້ອງຕົ້ນກ່ຽວກັບປະຫວັດຄວາມເປັນມາ, ອຸດົມການ ແລະ ທາດແທ້ ຂອງພັກປະຊາຊົນ ປະຕິວັດລາວ. ເຂົ້າໃຈກ່ຽວກັບມາດຖານ, ເງື່ອນໄຂ ຜູ້ທີ່ຈະເປັນສະມາຊິກພັກ ແລະ ຜົນປະໂຫຍດຂອງສະມາຊິກພັກເພື່ອເຮັດໃຫ້ມະຫາຊົນຜູ້ກ້າວໜ້າແຕ່ລະ ສະຫາຍ ມີຄວາມຮັບຮູ້, ເຂົ້າໃຈເລິກຕື່ມກ່ຽວກັບການກໍ່ສ້າງ ແລະ ຂະຫຍາຍພັກ, ກຳໄດ້ເນື້ອໃນ ພື້ນຖານ ແລະ ຫຼັກການລວມຂອງພັກ, ພ້ອມທັງຮັບຮູ້ສັງເກດຕີລາຄາ ແລະ ວິເຄາະບັນຫາໄດ້ໃນລະດັບໃດ ໜຶ່ງທີ່ແນ່ນອນ.

         ຕອນທ້າຍ ມະຫາຊົນຜູ້ກ້າວໜ້າເປົ້າໝາຍຂະຫຍາຍເຂົ້າພັກ ປະຊາຊົນ ປະຕິວັດລາວ ແຕ່ລະສະຫາຍກໍ່ໄດ້ຮັບໃບຢັ້ງຢືນການເຂົ້າຮຽນເອກະສານໄວເພື່ອເປັນລັກຖານ ແລະ ໄດ້ຮັບຟັງການໂອ້ລົມຂອງສະຫາຍ ຄຳຫຼ້າ ລຽນປະດິດ ຄະນະປະຈຳພັກແຂວງ ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ ເຊິ່ງສະຫາຍໄດ້ເນັ້ນໃຫ້ມະຫາຊົນຜູ້ ກ້າວໜ້າ ເປົ້າໝາຍທີ່ຈະຂະຫຍາຍເຂົ້າ ພັກປະຊາຊົນ ປະຕິວັດລາວ ທີ່ໄດ້ເຂົ້າຮ່ຳຮຽນ ເອກະສານໃນຄັ້ງນີ້; ຈົ່ງນຳເອົາບັນດາເນື້ອໃນເອກະສານດັ່ງກ່າວໄປຝຶກຝົນຫຼໍ່ຫຼອມ ຕົນເອງໃຫ້ມີທັດສະນະຫຼັກໜັ້ນການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີແບບແຜນດຳລົງຊິວິດທີ່ປອດໃສຂາວສະອາດ, ເອົາໃຈໃສ່ ປະຕິບັດວຽກງານຕົວຈິງທີ່ພັກລັດມອບໝາຍໃຫ້ມີຜົນສຳເລັດເພື່ອໃຫ້ກາຍເປັນສະມາຊິກພັກທີ່ເປັນແບບຢ່າງ ທີ່ດີໃນຕໍ່ໜ້າ

• < ຕໍ່ໄປ
• ຕໍ່ໄປ >