​ຊົມ​ເຊີມ​ວັນ​ສ້າງ​ຕັ້ງ​ພັກ ​ປະ​ຊາ​ຊົນ​ປະ​ຕິ​ວັດ​ລາວ ​ຄົບ​ຮອບ 66 ປີ ຢ່າງ​ສຸດ​ໃຈ.

ອອກ​ແຮງ​ແຂ່ງ​ຂັນ​ສ້າງ​ຜົນ​ງານ​ຄຳ​ນັບ​ຮັບ​ຕ້ອນ​ວັນ​ສ້າງ​ຕັ້ງ​ພັກ ຄົບ​ຮອບ 66 ປີ.

ພິ​ທີ ເປີດ-ປິດຝຶກອົບຮົມສະມາຊິກພັກໃໝ່ ຊຸດ​ທີ VIII

 

 

 

 

 

 

 

 

 

 

 

 

 

ພິ​ທີ ເປີດ-ປິດຝຶກອົບຮົມສະມາຊິກພັກໃໝ່ ຊຸດ​ທີ VIII

ໃນວັນທີ່ 10-11 ທັນ​ວາ ຜ່ານມານີ້; ຄະນະໂຄສະນາອົບຮົມແຂວງ ໄດ້ຈັດຊຸດອົບຮົມໃຫ້ ແກ່ສະມາຊິກພັກໃໝ່, ທີ່ຫ້ອງປະຊຸມ ຄະນະໂຄສະນາອົບຮົມແຂວງ ໂດຍ​ໃຫ້​ກຽດ​ເປັນ​ປະ​ທານ ຂອງສະ​ຫາຍ ຄຳຫຼ້າ​ລຽນ​ປະ​ດິດ ຄະ​ນະ​ປະ​ຈຳ​ພັກ​ແຂວງ ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ, ມີວິທະຍາກອນ ແລະ ສຳມະນາກອນມາຈາກຮາກຖານພັກ ແລະ ໜ່ວຍ​ພັກ​ອ້ອມ​ຂ້າງ​ແຂວງ, ລັດ​ວິ​ສາ​ຫະ​ກິດ​ນ້ຳ​ມັນ​ເຊື້ອ​ໄຟ, ອົງ​ການ​ໄອ​ຍະ​ການ​ປະ​ຊາ​ຊົນ​ພາກ​ເໜືອ, ສະ​ຖາ​ບັນ​ຍຸ​ຕິ​ທ​ຳ​ພາກ​ເໜືອ, ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ, ໂຮງ​ຮຽນ​ການ​ເມືອງ​ການ​ປົກ​ຄອງ, ພະ​ແນກ​ສາ​ທາ​ລະ​ນະ​ສຸກ​ແຂວງ, ວິ​ທະ​ຍາ​ໄລ​ເຕັກ​ນິກ-ວິ​ຊາ​ຊີບ, ທະ​ນາ​ຄານ​ແຫ່ງ​ສາ​ທາ​ລະ​ນະ​ລັດ​ ປະ​ຊາ​ທິ​ປະ​ໄຕ​ ປະ​ຊາ​ຊົນ​ລາວ ເຂົ້າຮ່ວມທັງໝົດ  24  ສະຫາຍ, ຍິງ  10 ສະຫາຍ.

          ໃນພິທີ ບັນດາສະຫາຍສະມາຊິກພັກໃໝ່ໄດ້ຮັບຟັງການບັນຍາຍເອກະສານໂດຍສະຫາຍ ສົມ​ມະ​ລີ ຄຳ​ເກັ່ງ ກຳ​ມະ​ການ​ພັກ​ແຂວງ ຮອງ​ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ, ,  ສະຫາຍ ທອງ​ຈັນ ພົມ​ມະ​ລັດ ຄະ​ນະ​ພັກ ຜູ້ກວດ​ກາ​ໜ່ວຍ​ພັກ ຮອງຄະນະໂຄ​ສະ​ນາ​ອົບ​ຮົມ​ແຂວງ ແລະ ສະ​ຫາຍ ບຸນຈັນ ກັນຍາວົງ ຫົວໜ້າບໍລິຫານ ແລະ ຈັດຕັ້ງ. ເອກະສານທີ່ບັນລະຍາຍປະກອບດ້ວຍ: (ຄວາມຮູ້ພື້ນຖານກ່ຽວກັບລັດທິມາກ-ເລນິນ), (ວຽກງານກໍ່ສ້າງ ແລະ ປັບປຸງພັກ), (ຄຸນທາດການເມືອງ, ຄຸນສົມບັດສິນທຳປະຕິວັດຂອງສະມາຊິກພັກ), (ເຊີດຊູຄວາມເປັນແບບຢ່າງ ຂອງສະມາຊິກພັກ), (ແກ້ໄຂພະຍາດອາດຍາສິດ, ສະກັດກັ້ນການຕ້ານການສໍ້ລາດບັງຫຼວງ).

          ການອົບຮົມໃນຄັ້ງນີ້ແມ່ນນຳໃຊ້ເອກະສານສະເພາະກ່ຽວກັບ ສະມາຊິກພັກໃໝ່ເນື້ອໃນ ຂອງເອກະສານແມ່ນແນໃສ່ຍົກລະດັບຄວາມຮັບຮູ້-ຄວາມເຂົ້າໃຈກ່ຽວກັບມະຕິກອງປະຊຸມໃຫຍ່ ຄັ້ງທີ່ X ຂອງພັກປະຊາຊົນປະຕິວັດລາວ, ມະຕິກອງປະຊຸມໃຫຍ່ຄັ້ງທີ່ VII ຂອງອົງຄະນະພັກ ແຂວງ; ໂດຍສະເພາະແມ່ນຄວາມຮູ້ກ່ຽວກັບລັດທິມາກ-ເລນິນ, ວຽກກໍ່ສ້າງປັບປຸງພັກ ແລະ ການແກ້ ໄຂພະຍາດຕ່າງໆພາຍໃນພັກ.

          ໃນຕອນທ້າຍພິທີໄດ້ຮັບຟັງຄຳເຫັນໂອ້ລົມຂອງສະຫາຍ ທອງຈັນ ພົມມະລັດ ເພື່ອເປັນເຂັມຊີ້ທິດເຍືອງທາງໃຫ້ສຳມະນາກອນຍຶດໝັ້ນທິດສະດີມາກ-ເລນິນ ແນວຄິດປະທານ ໄກສອນ ພົມວິຫານ ແລະ ມູນເຊື້ອອັນດີງາມ ຂອງພັກ, ແບບແຜນການດຳລົງຊີວິດ ແລະ ເຮັດວຽກລວມສູນປະຊາທິປະໄຕ; ຈັດຕັ້ງປະຕິບັດແນວທາງນະໂຍບາຍຂອງພັກ; ຜັນຂະຫຍາຍເນື້ອໃນຈິດໃຈດັ່ງກ່າວໃຫ້ກວ້າງຂວາງ ເລິກເຊິ່ງ ແທດເໝາະກັບສະພາບຄວາມເປັນຈິງ ກໍ່ສ້າງພັກໃຫ້ປອດໃສ, ເຂັ້ມແຂງ, ມີຄວາມສາມັກຄີໜັກແໜ້ນ ໂດຍຍຶດໝັ້ນໃນລັກການ ຂອບເຂດປ່ຽນແປງໃໝ່ ຮອບດ້ານ.  

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 12  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

125979
ມື້ນີ້ມື້ນີ້30
ມື້ວານນີ້ມື້ວານນີ້227
ອາທິດນີ້ອາທິດນີ້1377
ເດືອນນີ້ເດືອນນີ້5139
ທັງໝົດທັງໝົດ125979