ຄະນະໂຄສະນາອົບຮົມເມືອງນານ

ສ້າງຂື້ນເມື່ອ ວັນພຸດ, 14 ຕຸລາ 2020 02:30
ຂຽນໂດຍ ຫຸມແພງ

ຄະນະໂຄສະນາອົບຮົມເມືອງນານ ຈັດພິທີ ຝືກອົບຮົມໃຫ້ສະມາຊິກພັກໃໝ່ ຊຸດທີ I ປະຈຳປີ 2020

ໃນວັັນທີ 8 ຕຸລາ 2020 ຜ່ານມານີ້ ຢູ່ສະໂມສອນໃຫຍ່ຂອງເມືອງນານ ໄດ້ຈັດພິທີ ອົບຮົມສະມາຊິກພັກໃໝ່ ຊຸດທີ I ປີ 2020 ຂື້ນຢ່າງເປັນທາງການ ໂດຍເປັນປະທານຂອງ ສະຫາຍ ທອນ ສີອຳພອນ ຮອງເລຂາພັກເມືອງ, ປະທານກວດກາພັກ-ລັດເມືອງ ມີວິທະຍາກອນ ແລະ ສໍາມະນາກອນ ເຂົ້າຮ່ວມທັງໝົດ 54 ສະຫາຍ, ຍິງ 23 ສະຫາຍ.

ການຝືກອົບຮົມຄັ້ງນີ້ ກໍເພື່ອແນ່ໃສ່ເຊື່ອມຊຶມເອກະສານມະຕິກອງປະຊຸມໃຫຍ່  ຄັ້ງທີ x ຂອງພັກປະຊາຊົນະຕິວັດລາວ, ມະຕິກອງປະຊຸມ

ໃຫຍ່ຄັ້ງທີ VII ຂອງອົງຄະນະພັກແຂວງ ແລະ ສໍາມະນາກອນ ຍັງໄດ້ຮຽນຮູ້ເອກະສານທັງ 5 ບົດຂອງພັກຄື: ຄວາມຮູ້ພື້ນຖານກ່ຽວກັບ-ລັດທິມາກເລນິນ; ວຽກງານກໍ່ສ້າງພັກ; ຄຸນທາດການເມືອງ, ຄຸນສົມບັດສິນທໍາປະຕິວັດຂອງສະມາຊິກພັກ; ເຊີດຊູຄວາມເປັນແບບຢ່າງນໍາໜ້າຂອງສະມາຊິກພັກ ແລະ ແກ້ໄຂພະຍາດອາດຍາສິດ, ສະກັດກັ້ນຕ້ານການສໍ້ລາດບັງຫຼວງ.

ໃນພິທີ ໄດ້ຮັບຟັງການບັນຍາຍເອກະສານຈາກສະຫາຍ ທອນ ສີອຳພອນ ຮອງເລຂາພັກເມືອງ, ປະທານກວດກາພັກ-ລັດເມືອງ, ສະຫາຍ ບຸນມີ ບຸນທັນແສງງາມ ກຳມະການປະຈຳພັກເມືອງ ປະທານແນວລາວສ້າງຊາດເມືອງ, ສະຫາຍ ທອງວັນ ແດງສະຫວັດ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ.

        ໂອກາດດັ່ງກ່າວນີ້ສະຫາຍ ທອນ ສີອຳພອນ ຮອງເລຂາພັກເມືອງ, ປະທານກວດກາພັກ-ລັດເມືອງ ໄດ້ກ່າວວ່າ: ເນື້ອໃນດັ່ງກ່າວລ້ວນແຕ່ມີຄວາມສໍາຄັນ ເພື່ອເປັນເຂັມຊີ້ທິດເຍື່ອງທາງໃຫ້ ບັນດາສໍາມະນາກອນໄດ້ຮັບຮູ້,ເຂົ້າໃຈຢ່າງເລິກເຊິງ ແລະ ນໍາໄປຈັດຕັ້ງຜັນຂະຫຍາຍໃຫ້ໄດ້ຮັບຜົນ,ເຮັດໃຫ້ສະມາຊິກພັກມີຄວາມໜັກແໜ້ນເຂັ້ມແຂງ, ສືບຕໍ່ເຮັດໜ້າທີ່ການເມືອງເປັນຢ່າງດີ.