ມະຫາຊົນຜູ້ກ້າວໜ້າ

ມະຫາຊົນຜູ້ກ້າວໜ້າເປົ້າໝາຍຂະຫຍາຍເຂົ້າພັກປະຊາຊົນ ປະຕິວັດລາວ ຊຸດທີ່ II ປະຈໍາປີ 2020 ໄດ້ຮໍ່າຮຽນເອກະສານຄວາມຮູ້ພື້ນຖານຂອງພັກ

ທ້າຍເດືອນ ກັນຍາ ຜ່ານມານີ້; ຢູ່ທີ່ສູນຝຶກອົບຮົມຂອງເມືອງຈອມເພັດ ໄດ້ຈັດຊຸດຝຶກອົບຮົມຮຽນສະໜັບສະໜູນ ໃຫ້ແກ່ມະຫາຊົນຜູ້ກ້າວໜ້າ ເປົ້າໝາຍຂະຫຍາຍເຂົ້າພັກ ພັກປະຊາຊົນ ປະຕິວັດລາວ ຊຸດທີ່ II ປະຈໍາປີ 2020 ຂື້ນຢ່າງເປັນທາງການ. ໂດຍເປັນປະທານຂອງ ສະຫາຍ ວັນໄຊ ບົວລະພັນ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງຈອມເພັດ ມີວິທະຍາກອນ, ພ້ອມດ້ວຍຄະນະຮັບຜິດຊອບ ແລະສຳມະນາກອນ ມາຈາກ ສຳນັກງານອົງການ ແລະ ຮາກຖານບ້ານ ທັງໝົດ 25 ສະຫາຍ, ຍິງ 7 ສະຫາຍ ເຂົ້າຮ່ວມ.

ສຳລັບບົດຮຽນທີ່ນຳໃຊ້ເຂົ້າໃນການອົບຮົມໃນຄັ້ງນີ້ ໄດ້ນຳໃຊ້ເອກະສານ ຈາກຄະນະໂຄສະນາອົບຮົມສູນກາງພັກກຳນົດໃຫ້, ເຊິ່ງມີ 11 ຄໍາຖາມ 11 ຄໍາຕອບ

ການຝຶກອົບຮົມຄັ້ງນີ້ ເພື່ອໃຫ້ມະຫາຊົນຜູ້ກ້າວໜ້າທີ່ຈະຂະຫຍາຍເຂົ້າເປັນ ສະມາຊິກພັກ ຮັບຮູ້ເບື້ອງຕົ້ນກ່ຽວກັບປະຫວັດຄວາມເປັນມາ, ອຸດົມການ ແລະທາດແທ້ ຂອງພັກປະຊາຊົນ ປະຕິວັດລາວ. ເຂົ້າໃຈກ່ຽວກັບມາດຖານ, ເງື່ອນໄຂ ຜູ້ທີ່ຈະເປັນສະມາຊິກພັກ ແລະຜົນປະໂຫຍດຂອງສະມາຊິກພັກ ເພື່ອເຮັດໃຫ້ມະຫາຊົນຜູ້ກ້າວໜ້າ ມີຄວາມຮັບຮູ້, ເຂົ້າໃຈຕື່ມ ກ່ຽວກັບການກໍ່ສ້າງ ແລະຂະຫຍາຍພັກ, ກຳໄດ້ເນື້ອໃນ ພື້ນຖານ ແລະຫຼັກການລວມຂອງພັກ, ຮູ້ສັງເກດຕີລາຄາ ແລະວິເຄາະບັນຫາ ໄດ້ໂດຍພື້ນຖານ.

ຕອນທ້າຍ ສະຫາຍ ວັນໄຊ ບົວລະພັນ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງຈອມເພັດ ໄດ້ເນັ້ນໃຫ້ມະຫາຊົນຜູ້ ກ້າວໜ້າ ເປົ້າໝາຍທີ່ຈະຂະຫຍາຍເຂົ້າ ພັກປະຊາຊົນ ປະຕິວັດລາວ ຈົ່ງນຳເອົາເນື້ອໃນເອກະສານທີ່ໄດ້ຄົ້ນຄ້ວາຮໍ່າຮຽນ ໄປຝຶກຝົນຫຼໍ່ຫຼອມ ຕົນເອງໃຫ້ມີທັດສະນະຫຼັກໜັ້ນການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີແບບແຜນດຳລົງຊິວິດທີ່ປອດໃສຂາວສະອາດ, ເອົາໃຈໃສ່ ປະຕິບັດວຽກງານຕົວຈິງທີ່ພັກລັດມອບໝາຍໃຫ້ມີຜົນສຳເລັດເພື່ອໃຫ້ກາຍເປັນສະມາຊິກພັກທີ່ເປັນແບບຢ່າງ ທີ່ດີໃນຕໍ່ໜ້າ.

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 15  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

84500
ມື້ນີ້ມື້ນີ້45
ມື້ວານນີ້ມື້ວານນີ້66
ອາທິດນີ້ອາທິດນີ້285
ເດືອນນີ້ເດືອນນີ້1937
ທັງໝົດທັງໝົດ84500