ເມືອງຈອມເພັດ ຈັດພິທີ ປາຖະກະຖາ

ເມືອງຈອມເພັດ ຈັດພິທີ ປາຖະກະຖາ ວັນຄູແຫ່ງຊາດ ຄົບຮອບ 26 ປີ, ແລະ ວັນປະກາດເອກະລາດ ຄົບຮອບ 75 ປີ.

ໃນຕອນເຊົ້າຂອງວັນ 06 ຕຸລາ 2020 ນີ້ ທາງເມືອງຈອມເພັດ ຈັດພິທີປາຖະກະຖາ ວັນຄູແຫ່ງຊາດຄົບຮອບ 26 ປີ, ແລະ ວັນປະກາດເອກະລາດ ຄົບຮອບ 75 ປີ, ໂດຍການເປັນປະທານຂອງ ສະຫາຍ ບົວພັນ ອຸດົມສິນ ຮອງເລຂາພັກເມືອງ, ມີບັນດາຄະນະປະຈຳພັກເມືອງ, ກຳມະການພັກເມືອງ, ພະນັກງານ -ລັດຖະກອນ, ທະຫານ, ຕຳຫລວດ, ຄູອາຈານ ແລະ ນ້ອງນັກຮຽນເຂົ້າຮ່ວມທັງໝົດ 208 ຄົນ, ຍິງ 119 ຄົນ,

ໃນພິທີ ສະຫາຍ ບົວພັນ ອຸດົມສິນ ຮອງເລຂາພັກເມືອງໄດ້ໃຫ້ກຽດຂື້ນເຜີຍເອກະສານ 02 ບົດຄື: ວັນຄູແຫ່ງຊາດ ຄົບຮອບ 26 ປີ ແລະ ວັນປະກາດເອກະລາດ ຄົບຮອບ 75 ປີ, ສະຫາຍໄດ້ຍົກໃຫ້ເຫັນປະຫວັດຄວາມເປັນມາ ຂອງນາຍຄູຄໍາ ນອກຈາກເຮັດໜ້າທີ່ການສິດສອນແລ້ວ ຍັງໄດ້ເຂົ້າຮ່ວມຂະບວນການນຳພາປະ ຊາຊົນລາວລຸກຂຶ້ນຕໍ່ສູ້ຕ້ານການຮຸກຮານຂອງພວກລ່າເມືອງຂຶ້ນ, ປະຫວັດສາດຂະບວນການຕໍ່ສູ້ຂອງປະຊາຊົນລາວບັນດາເຜົ່າຕ້ານການຮຸກຮານຂອງພວກຈັກກະພັດລ່າເມືອງຂຶ້ນແບບເກົ່າ ແລະ ແບບໃໝ່ໄດ້ຜ່ານໄລຍເວລາອັນຍືດເຍື້ອຍາວນານ, ລະອິດລະອ້ຽວ ແລະ ໄດ້ຮັບໄຊຊະນະເປັນແຕ່ລະໄລຍະ ແລະ ໄດ້ສະຖາປະນາ ສາທາລະນະລັດປະຊາທິປະໄຕ ປະຊາຊົນລາວ ຂຶ້ນໃນວັນທີ 2 ທັນວາ 1975 ຊຶ່ງໄດ້ເປັນເງື່ອນໄຂເອື້ອອໍານວຍໃນການພັດທະນາການສຶກສາຂອງລາວ ເວົ້າລວມ, ເວົ້າສະເພາະ ແມ່ນການພັດທະນາຖັນແຖວຄູສອນ ຈຳນວນຄູ - ອາຈານໄດ້ເພີ່ມຂຶ້ນ ແລະ ຄູອາຈານຈຳນວນເຫລົ່ານັ້ນ ລ້ວນແຕ່ມີນ້ຳໃຈຮັກຫອມປະເທດຊາດ ມີຄວາມຮູ້, ມີຄວາມສາມາດປະກອບສ່ວນສ້າງສາພັດທະນາປະເທດຊາດ ເພື່ອນຳເອົາຄວາມສົມບູນພູນສຸກມາສູ່ປະຊາຊົນບັນດາເຜົ່າ, ຊື່ສຽງຂອງຄູໄດ້ຕິດພັນກັບຂະບວນວິວັດແຫ່ງການພັດທະນາປະເທດຊາດແຕ່ລະສະໄໝ, ປະຈຸບັນນີ້, ປະເທດຊາດຂອງພວກເຮົາໄດ້ມີນັກວິຊາການ, ມີນາຍທະຫານ, ນາຍຕໍາຫລວດ, ນັກການເມືອງ, ນັກປະດິດຄິດແຕ່ງ ແລະ ນັກທຸລະກິດທີ່ດີເດັ່ນຈໍານວນບໍ່ໜ້ອຍ, ພວກເພິ່ນເຫລົ່ານັ້ນລ້ວນແຕ່ໄດ້ມີຄວາມຮູ້ຈາກຄູສອນ, ປະເທດຊາດມີການພັດທະນາເທົ່າໃດ ກໍຍິ່ງເຮັດໃຫ້ສັງຄົມມີຄວາມສຳນຶກເຖິງບຸນຄຸນອັນເລີດລໍ້າຂອງຄູ - ອາຈານຫລາຍຂຶ້ນເທົ່ານັ້ນ ດັ່ງນັ້ນ, ເພື່ອເຮັດໃຫ້ຄວາມກະຕັນຍູຮູ້ບຸນຄຸນຕໍ່ຄູ - ອາຈານໃນທົ່ວສັງຄົມ ໄດ້ກາຍມາເປັນພຶດຕິກຳຕົວຈິງ ລັດຖະບານຈຶ່ງໄດ້ກຳນົດເອົາ ວັນທີ 7 ເດືອນ ຕຸລາ ຂອງທຸກໆປີເປັນວັນຄູແຫ່ງຊາດລາວ ແລະ ຄວາມໝາຍ ຄວາມສຳຄັນຂອງວັນຄູແຫ່ງຊາດ, ຜົນສໍາເລັດຂອງການສຶກສາ ແລະ ເນື້ອໃນ ວັນປະກາດເອກະລາດວັນທີ 12 ຕຸລາ 1945 ໄດ້ເຮັດໃຫ້ຊາວໂລກໄດ້ຮັບຮູ້ກຽວກັບຄວາມເປັນຊາດລາວຂອງພວກເຮົາ, ກໍຄືຮັບຮູ້ອະທິປະໄຕຂອງຊາດລາວກໍຄືເຂດນໍ້າແດນດິນຂອງປະເທດລາວ; ພ້ອມກັນນັ້ນກໍຮັບຮູ້ລັດຖະບານຊົ່ວຄາວຂອງລາວ ແລະ ຮັບຮູ້ວ່າຊາດລາວ ຄົນລາວກໍມີກຽດສັກສີເໝືອນຄົນຊາດອື່ນໆແລະ ຢາກມີອິດສະລະພາບ, ເປັນເຈົ້າຊາຕາກຳຂອງຕົນເອງ ແລະ ຢາກມີການພັດທະນາຕົນ ເພື່ອຄວາມຢູ່ດີກີນດີ ແລະ ຄວາມຈະເລີນວັດທະນາ ຍ້ອນແນວນັ້ນພວກເຮົາຈຶ່ງຖືເອົາວັນປະກາດເອກະລາດ 12 ຕຸລາ 1945 ເປັນວັນປະຫວັດສາດຂອງຊາດ, ເປັນວັນແຫ່ງຄວາມເອກອ້າງທະນົງໃຈຄວາມອາດຫານຊານໄຊໃນການຕໍ່ສູ້ບົນຈິດໃຈຍອມຕາຍດີກວ່າເປັນຂ້ອຍຂ້າ; ຕາຍເພື່ອເອກະລາດດີກວ່າຢູ່ພາຍໃຕ້ແອກປົກຄອງຂອງຕ່າງຊາດ; ຈາກນັ້ນມານ້ໍາໃຈວັນທີ 12 ຕຸລາ, ຈຶ່ງກາຍເປັນມູນເຊື້ອແຫ່ງການຕໍ່ສູ້ມີໄຊຂອງຄົນລາວຜູ້ຮັກຊາດພາຍໃຕ້ການນໍາພາຂອງພັກ, ສາມາດປົດປ່ອຍຊາດໄດ້ຢ່າງສົມບູນ ແລະ ໄດ້ສະຖາປະນາ ສາທາລະນະລັດປະຊາທິປະ ໄຕ ປະຊາຊົນລາວ ຂື້ນໃນວັທີ 2 ທັນວາ 1975.ສືບຕໍ່ເສີມຂະຫຍາຍມູນເຊື້ອ 12 ຕຸລາ ດ້ວຍການເພີ້ມທະວີຮັກຊາດ ແລະ ພັດທະນາ

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 43  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

84508
ມື້ນີ້ມື້ນີ້53
ມື້ວານນີ້ມື້ວານນີ້66
ອາທິດນີ້ອາທິດນີ້293
ເດືອນນີ້ເດືອນນີ້1945
ທັງໝົດທັງໝົດ84508