ຂ່າວ: ເມືອງວຽງຄໍາ

 

ເມືອງວຽງຄໍາ ແຂວງຫຼວງພະບາງສະເຫຼີມສະຫຼອງ 3 ວັນປະຫວັດສາດທີ່ສໍາຄັນຂອງພັກ, ຂອງຊາດ ແລະ ຂອງສາກົນ

ຕອນເຊົ້າ ເວລາ 8:00 ນາທີ ຂອງວັນທີ 13 ຕຸລາ 2020 ນີ້, ຄະນະໂຄສະນາອົບຮົມເມືອງ ສົມທົບກັບ ຫ້ອງການສຶກສາທິການ ແລະ ກິລາເມືອງ, ຫ້ອງການກະສິກຳ ແລະ ປ່າໄມ້ເມືອງ ຈັດພິທີສະເຫຼີມສະຫຼອງ ວັນປະກາດເອກະລາດ ຄົບຮອບ 75 ປີ(12.10.1945-1 2.10.2020 ), ວັນຄູແຫ່ງຊາດ ທີ 7 ຕຸລາ ຄົບຮອບ 26 ປີ 7,10, 1994-7,10, 2020) ແລະ ລະນຶກວັນສາກົນ ແລະ ສັບປະດາແຫ່ງຊາດ ເພື່ອຫຼຸດຜ່ອນຄວາມທຸກຍາກຂອງ ສປປ ລາວ ( 17.10.1987 ແລະ 17-24.10.2003) ທີ່ສະໂມສອນໃຫຍ່ຂອງເມືອງວຽງຄຳ.ພາຍໃຕ້ການໃຫ້ກຽດເຂົ້າຮ່ວມໃນພິທີໂດຍ: ສະຫາຍ ຊາຍພອນ ຈັນທຸມມາ ກຳມະການພັກແຂວງ ເລເຂພັກເມືອງເຈົ້າເມືອງ-ເມືອງ

ວຽງຄຳ, ມີບັນດາສະຫາຍ ຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ,ຫົວໜ້າ-ຮອງຫົວໜ້າກອງບັນຊາການທະຫານເມືອງ, ຫົວໜ້າ-ຮອງຫົວໜ້າກອງບັນຊາການປ້ອງກັນຄວາມສະຫງົບເມືອງ, ອຳນວຍການໂຮງຮຽນ-ໂຮງໝໍ, ພະນັກງານ-ລັດຖະກອນ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ ແລະ ນາຍບ້ານພາຍໃນເທດສະບານ 5 ບ້ານ ເຂົ້າຮ່ວມຢ່າງພ້ອມພຽງ ເຊິ່ງມີຜູ້ເຂົ້າຮ່ວມທັງໝົດ 90 ຄົນ, ຍິງ 32 ຄົນ, ສະມາຊິກພັກ 81ສະຫາຍ, ຍິງ 28 ສະຫາຍ.

ໃນພິທີ ສະຫາຍ ແທ້ ເພັດຕະກອນ ແລະ ສະຫາຍ ສີພອນ ມິດໄມຕີ ຮອງເຈົ້າເມືອງ-ເມືອງວຽງຄຳ ກໍໄດ້ໃຫ້ກຽດຜັດປ່ຽນກັນຂື້ນປາຖະກະຖາເລົ່າມູນເຊື້ອ ວັນຄູແຫ່ງຊາດ ທີ 7 ຕຸລາ ແລະ ລະນຶກວັນສາກົນ ແລະ ສັບປະດາແຫ່ງຊາດ ເພື່ອຫຼຸດຜ່ອນຄວາມທຸກຍາກຂອງ ສປປ ລາວ, ເປັນຕົ້ນ ແມ່ນຕົ້ນກຳເນີດ, ປະຫວັດຄວາມເປັນມາ, ການເຕີບໃຫຍ່ຂະຫຍາຍຕົວ ແລະ ເສີມຂະຫຍາຍມູນເຊື້ອອັນດີງາມ ຂອງ 2 ວັນປະຫວັດຊາດດັ່ງກ່າວ.

ຈາກນັ້ນ, ສະຫາຍ ຊາຍພອນ ຈັນທຸມມາ ກຳມະການພັກແຂວງ ເລເຂພັກເມືອງ ເຈົ້າເມືອງ-ເມືອງວຽງຄໍາ ກໍໄດ້ໃຫ້ກຽດປາຖະກະຖາວັນປະກາດເອກະລາດ ຄົບຮອບ 75 ປີ ເຊິ່ງເເມ່ນວັນທີ່ມີຄວາມໝາຍຄວາມສໍາຄັນຂອງພັກ, ຂອງຊາດລາວ ທີ່ເປັນບາດກ້າວ ແຫ່ງໄຊຊະນະຄັ້ງທຳອິດໃນການຕໍ່ສູ້ປົດປ່ອຍຊາດ ຈາກແອກປົກຄອງອັນໂຫດຮ້າຍປ່າເຖື່ອນ ຂອງພວກລ່າເມືອງຂຶ້ນແບບເກົ່າ ແຕ່ຍ້ອນພາຍໃຕ້ການນຳພາທີ່ສະຫຼາດສ່ອງໃສ, ເດັ່ນດ່ຽວໜ່ຽວແໜ້ນ ສົມທົບກັບ ຄວາມພິລະອາດຫານ,ຮັກເຊື້ອແພງຊາດ, ຄວາມສາມັກຄີອັນເປັນປຶກແຜ່ນຂອງອ້າຍນ້ອງປະກອບອາວຸດ ແລະ ປະຊາຊົນບັນດາເຜົ່າສາມາດທັບມ້າງແອກປົກຄອງຂອງພວກລ່າເມືອງຂຶ້ນແບບເກົ່າ ປະກາດເອກະລາດໃນວັນທີ 12 ຕຸລາ 1945, ພ້ອມນັ້ນ ສະຫາຍ ຍັງໄດ້ຮຽກຮ້ອງມາຍັງ ທຸກພາກສ່ວນທີ່ເຂົ້າຮ່ວມພິທີ ຈົ່ງຍົກສູງພາລະບົດບາດ ການນຳພາຂອງພັກ-ການຄຸ້ມຄອງຂອງລັດຢ່າງເຂັມ

ງວດ, ເຫັນໄດ້ເຖິງພາລະບົດບາດ, ບຸນຄຸນອັນຫຼົ້ນເຫຼືອຂອງວັນສຳຄັນຂອງພັກ, ຂອງຊາດ ແລະ ຂອງສາກົນ ທັງເປັນແບບຢ່າງນຳໜ້າທີ່ດີໃຫ້ແກ່ປະຊາຊົນບັນດາເຜົ່າ ເພື່ອສະແດງເຖິງຄວາມຈົ່ງຮັກພັກດີ, ຄວາມເອກອ້າງທະນົງໃຈ ຕໍ່ໄຊຊະນະແລະ ຜົນງານອັນຍິ່ງໃຫຍ່ ທີ່ພັກ-ລັດ ແລະ ປາຊາຊົນ ທີ່ຍາດມາໄດ້ໃນເມື່ອກ່ອນ ຢ່າງສຸດອົກສຸດໃຈ ຕື່ມອີກ.

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 14  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

84500
ມື້ນີ້ມື້ນີ້45
ມື້ວານນີ້ມື້ວານນີ້66
ອາທິດນີ້ອາທິດນີ້285
ເດືອນນີ້ເດືອນນີ້1937
ທັງໝົດທັງໝົດ84500