ຮຽນເອກະສານຄວາມຮູ້ພື້ນຖານຂອງພັກ

ສ້າງຂື້ນເມື່ອ ວັນສຸກ, 18 ກັນຍາ 2020 07:15
ຂຽນໂດຍ ບຸນມີ ໄຊຍະກຸມມານ

ມະຫາຊົນຜູ້ກ້າວໜ້າເປົ້າໝາຍຂະຫຍາຍເຂົ້າພັກປະຊາຊົນ ປະຕິວັດລາວ ຊຸດທີ່ 7 ປະຈໍາປີ 2020 ໄດ້ຮໍ່າຮຽນເອກະສານຄວາມຮູ້ພື້ນຖານຂອງພັກ

ວັນທີ່ 9-10 ກັນຍາ 2020 ນີ້; ຢູ່ຫ້ອງປະຊຸມຄະນະໂຄສະນາອົບຮົມແຂວງ ໄດ້ຈັດຊຸດຝຶກອົບຮົມຮຽນສະໜັບສະໜູນ ໃຫ້ແກ່ມະຫາຊົນຜູ້ກ້າວໜ້າ ເປົ້າໝາຍຂະຫຍາຍເຂົ້າພັກ ປະຊາຊົນ ປະຕິວັດລາວ ຊຸດທີ່ 7 ປະຈໍາປີ 2020 ຂື້ນຢ່າງເປັນ

ທາງການ. ໂດຍເປັນປະທານຂອງ ສະຫາຍ ສົມມາລີ ຄຳເກັ່ງ ກຳມະການພັກແຂວງ ຮອງຫົວໜ້າຄະນະໂຄສະນາອົບຮົມແຂວງ ມີວິທະຍາກອນ, ພ້ອມດ້ວຍຄະນະຮັບຜິດຊອບ ແລະ ສຳມະນາກອນ ມາຈາກ ຄະນະພັກຮາກຖານພະແນກໂຍທາທິການ ແລະ ຂົນສົ່ງ, ອົງການໄອຍະການປະຊາຊົນພາກເໜືອ, ຄະນະພັກຮາກຖານພະແນກພະລັງງານ ແລະ ບໍ່ແຮ່ ແລະ ຄະນະພັກຮາກຖານພະແນກສາທາລະນະສຸກແຂວງ ເຂົ້າຮ່ວມທັງໝົດ 24 ສະຫາຍ, ຍິງ 2 ສະຫາຍ.

ສໍາລັບບົດຮຽນທີ່ນຳໃຊ້ເຂົ້າໃນການອົບຮົມໃນຄັ້ງນີ້ ໄດ້ນຳໃຊ້ເອກະສານ ຈາກຄະນະໂຄສະນາອົບຮົມສູນກາງພັກກຳນົດໃຫ້, ເຊິ່ງມີ 11 ຄຳຖາມ 11 ຄຳຕອບ, ໃຊ້ເວລາ 2 ວັນເຕັມ, ໃນນັ້ນ ໃຊ້ເວລາບັນຍາຍເອກະສານ 10 ຊົ່ວໂມງ, ເວລາເປີດປິດ ແລະມອບໃບຢັ້ງຢືນ 4 ຊົ່ວໂມງ ລວມທັງໝົດ 14 ຊົ່ວໂມງ. ການຝຶກອົບຮົມຄັ້ງນີ້ ເພື່ອໃຫ້ມະຫາຊົນຜູ້ກ້າວໜ້າທີ່ຈະຂະຫຍາຍເຂົ້າເປັນ ສະມາຊິກພັກ ຮັບຮູ້ເບື້ອງຕົ້ນກ່ຽວກັບປະຫວັດຄວາມເປັນມາ, ອຸດົມການ ແລະທາດແທ້ ຂອງພັກປະຊາຊົນ ປະຕິວັດລາວ. ເຂົ້າໃຈກ່ຽວກັບມາດຖານ, ເງື່ອນໄຂ ຜູ້ທີ່ຈະເປັນສະມາຊິກພັກ ແລະຜົນປະໂຫຍດຂອງສະມາຊິກພັກ ເພື່ອເຮັດໃຫ້ມະຫາຊົນຜູ້ກ້າວໜ້າ ມີຄວາມຮັບຮູ້, ເຂົ້າໃຈຕື່ມ ກ່ຽວກັບການກໍ່ສ້າງ ແລະຂະຫຍາຍພັກ, ກຳໄດ້ເນື້ອໃນ ພື້ນຖານ ແລະຫຼັກການລວມຂອງພັກ, ຮູ້ສັງເກດຕີລາຄາ ແລະວິເຄາະບັນຫາ ໄດ້ໂດຍພື້ນຖານ.

ຕອນທ້າຍ ສະຫາຍ ຄຳຫຼ້າ ລຽນປະດິດ ກຳມະການປະຈຳພັກແຂວງ ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ ໄດ້ເນັ້ນໃຫ້ມະຫາຊົນຜູ້ ກ້າວໜ້າ ເປົ້າໝາຍທີ່ຈະຂະຫຍາຍເຂົ້າ ພັກປະຊາຊົນ ປະຕິວັດລາວ ຈົ່ງນຳເອົາເນື້ອໃນເອກະສານທີ່ໄດ້ຄົ້ນຄ້ວາຮໍ່າຮຽນ ໄປຝຶກຝົນຫຼໍ່ຫຼອມ ຕົນເອງໃຫ້ມີທັດສະນະຫຼັກໜັ້ນການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີແບບແຜນດຳລົງຊິວິດທີ່ປອດໃສຂາວສະອາດ, ເອົາໃຈໃສ່ ປະຕິບັດວຽກງານຕົວຈິງທີ່ພັກລັດມອບໝາຍໃຫ້ມີຜົນສຳເລັດເພື່ອໃຫ້ກາຍເປັນສະມາຊິກພັກທີ່ເປັນແບບຢ່າງ ທີ່ດີໃນຕໍ່ໜ້າ.

ມະຫາຊົນຜູ້ກ້າວໜ້າເປົ້າໝາຍຂະຫຍາຍເຂົ້າພັກປະຊາຊົນ ປະຕິວັດລາວ ຊຸດທີ່ 7 ປະຈໍາປີ 2020 ໄດ້ຮໍ່າຮຽນເອກະສານຄວາມຮູ້ພື້ນຖານຂອງພັກ

ວັນທີ່ 9-10 ກັນຍາ 2020 ນີ້; ຢູ່ຫ້ອງປະຊຸມຄະນະໂຄສະນາອົບຮົມແຂວງ ໄດ້ຈັດຊຸດຝຶກອົບຮົມຮຽນສະໜັບສະໜູນ ໃຫ້ແກ່ມະຫາຊົນຜູ້ກ້າວໜ້າ ເປົ້າໝາຍຂະຫຍາຍເຂົ້າພັກ ປະຊາຊົນ ປະຕິວັດລາວ ຊຸດທີ່ 7 ປະຈໍາປີ 2020 ຂື້ນຢ່າງເປັນທາງການ. ໂດຍເປັນປະທານຂອງ ສະຫາຍ ສົມມາລີ ຄຳເກັ່ງ ກຳມະການພັກແຂວງ ຮອງຫົວໜ້າຄະນະໂຄສະນາອົບຮົມແຂວງ ມີວິທະຍາກອນ, ພ້ອມດ້ວຍຄະນະຮັບຜິດຊອບ ແລະ ສຳມະນາກອນ ມາຈາກ ຄະນະພັກຮາກຖານພະແນກໂຍທາທິການ ແລະ ຂົນສົ່ງ, ອົງການໄອຍະການປະຊາຊົນພາກເໜືອ, ຄະນະພັກຮາກຖານພະແນກພະລັງງານ ແລະ ບໍ່ແຮ່ ແລະ ຄະນະພັກຮາກຖານພະແນກສາທາລະນະສຸກແຂວງ ເຂົ້າຮ່ວມທັງໝົດ 24 ສະຫາຍ, ຍິງ 2 ສະຫາຍ.

ສໍາລັບບົດຮຽນທີ່ນຳໃຊ້ເຂົ້າໃນການອົບຮົມໃນຄັ້ງນີ້ ໄດ້ນຳໃຊ້ເອກະສານ ຈາກຄະນະໂຄສະນາອົບຮົມສູນກາງພັກກຳນົດໃຫ້, ເຊິ່ງມີ 11 ຄຳຖາມ 11 ຄຳຕອບ, ໃຊ້ເວລາ 2 ວັນເຕັມ, ໃນນັ້ນ ໃຊ້ເວລາບັນຍາຍເອກະສານ 10 ຊົ່ວໂມງ, ເວລາເປີດປິດ ແລະມອບໃບຢັ້ງຢືນ 4 ຊົ່ວໂມງ ລວມທັງໝົດ 14 ຊົ່ວໂມງ. ການຝຶກອົບຮົມຄັ້ງນີ້ ເພື່ອໃຫ້ມະຫາຊົນຜູ້ກ້າວໜ້າທີ່ຈະຂະຫຍາຍເຂົ້າເປັນ ສະມາຊິກພັກ ຮັບຮູ້ເບື້ອງຕົ້ນກ່ຽວກັບປະຫວັດຄວາມເປັນມາ, ອຸດົມການ ແລະທາດແທ້ ຂອງພັກປະຊາຊົນ ປະຕິວັດລາວ. ເຂົ້າໃຈກ່ຽວກັບມາດຖານ, ເງື່ອນໄຂ ຜູ້ທີ່ຈະເປັນສະມາຊິກພັກ ແລະຜົນປະໂຫຍດຂອງສະມາຊິກພັກ ເພື່ອເຮັດໃຫ້ມະຫາຊົນຜູ້ກ້າວໜ້າ ມີຄວາມຮັບຮູ້, ເຂົ້າໃຈຕື່ມ ກ່ຽວກັບການກໍ່ສ້າງ ແລະຂະຫຍາຍພັກ, ກຳໄດ້ເນື້ອໃນ ພື້ນຖານ ແລະຫຼັກການລວມຂອງພັກ, ຮູ້ສັງເກດຕີລາຄາ ແລະວິເຄາະບັນຫາ ໄດ້ໂດຍພື້ນຖານ.

ຕອນທ້າຍ ສະຫາຍ ຄຳຫຼ້າ ລຽນປະດິດ ກຳມະການປະຈຳພັກແຂວງ ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ ໄດ້ເນັ້ນໃຫ້ມະຫາຊົນຜູ້ ກ້າວໜ້າ ເປົ້າໝາຍທີ່ຈະຂະຫຍາຍເຂົ້າ ພັກປະຊາຊົນ ປະຕິວັດລາວ ຈົ່ງນຳເອົາເນື້ອໃນເອກະສານທີ່ໄດ້ຄົ້ນຄ້ວາຮໍ່າຮຽນ ໄປຝຶກຝົນຫຼໍ່ຫຼອມ ຕົນເອງໃຫ້ມີທັດສະນະຫຼັກໜັ້ນການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີແບບແຜນດຳລົງຊິວິດທີ່ປອດໃສຂາວສະອາດ, ເອົາໃຈໃສ່ ປະຕິບັດວຽກງານຕົວຈິງທີ່ພັກລັດມອບໝາຍໃຫ້ມີຜົນສຳເລັດເພື່ອໃຫ້ກາຍເປັນສະມາຊິກພັກທີ່ເປັນແບບຢ່າງ ທີ່ດີໃນຕໍ່ໜ້າ.