ຄະນະໂຄສະນາອົບຮົມ​ແຂວງຫຼວງ​ພະບາງ ຈັດກິດຈະກຳປູກຕົ້ນໄມ້

ລາຍລະອຽດ

ສ້າງຂື້ນເມື່ອ ວັນພະຫັດ, 03 ມີຖຸນາ 2021 02:45

ຂຽນໂດຍ ບຸນມີ ໄຊຍະກຸມມານ

ເນື່ອງ​ໃນ​ໂອ​ກາດວັນ​ເດັກ​ນ້ອຍ​ສາ​ກົນ ແລະ ​ວັນ​ປູກ​ຕົ້ນ​ໄມ້​ແຫ່ງ​ຊາດ​ໄດ້​ໝູນ​ວຽນ​ມາ​ອີກວາ​ລະ​ໜຶ່ງ​ສະ​ນັ້ນ​ມາ​ໃນຕອນເຊົ້າວັນທີ 1 ມີ​ຖຸ​ນາ 2021 ຄະນະໂຄສະນາອົບຮົມແຂວງ ໄດ້ຈັດກິດຈະກຳປູກຕົ້ນໄມ້ຂື້ນ​ຢ່າງ​ເປັນ​ທາງ​ການ ຢູ່​ທີ່​ຄະ​ນະ​ໂຄ​ສະ​ນາ​ອົບ​ຮົມ​ແຂວງ ຫຼວງ​ພະ​ບາງ ​ນຳ​ພາ​ໂດຍ ທ່ານ ນາງ ວຽນ​ວິ​ໄລ ດີ​ລະ​ພັນ ກຳ​ມະ​ການ​ປະ​ຈຳ​ພັກ​ແຂວງ, ສະ​ມາ​ຊິກ​ສະ​ພາ​ແຫ່ງ​ຊາດ ເຂດ​ເລືອກ​ຕັ້ງ​ທີ່ 6 ຫົວໜ້າຄະນະໂຄສະນາອົບຮົມແຂວງ ​ເຂົ້າ​ຮ່ວມ​ໂດຍ ທ່ານ ສຸ​ລິ​ສັກ ພົມ​ມາ​ລີ ກຳ​ມະ​ການ​ພັກ​ແຂວງ ຫົວ​ໜ້າ​ພະ​ແນກ​ແຮງ​ງານ ສະ​ຫວັດ​ດີ​ການ ແລະ ປະ​ກັນ​ສັງ​ຄົມ, ມີຄະນະພັກ, ຫົວ​ໜ້າ, ຮອງ​ຫົວ​ໜ້າ​ຄະ​ແໜງ, ສະມາຊິກ 3 ອົງການຈັດຕັ້ງມະຫາຊົນເຂົ້າ​ຮ່ວມ​ຢ່າງ​ພ້ອມ​ພຽງ.

ການປູກຕົ້ນໄມ້ຄັ້ງນີ້ ແມ່ນ​ການ​ປູກ​ຈິດ​ສຳ​ນຶກ​ໃຫ້​ຄົນ​ຮຸ່ນ​ໃໝ່ ໄດ້​ຮຽນ​ຮູ້​ແລະ ສືບ​ສານ​ຕໍ​ໄປ ແລະ ເປັນການຈັດ​ກິດ​ຈະ​ກຳສ້າງຂະບວນການເນື່ອງໃນໂອກາດ ວັນ​ເດັກ​ນ້ອຍ​ສາ​ກົນ ແລະ ວັນປູກຕົ້ນໄມ້ແຫ່ງຊາດ  ການປູກຕົ້ນໄມ້ ແມ່ນການສ້າງສະພາບແວດລ້ອມໃຫ້ໃຫ້​ສຳ​ນັກ​ງານເປັນພື້ນທີ່ສີຂຽວ ຮົ່ມ​ເຢັນມີອາກາດສົດຊື່ນ, ​ຕົ້ນ​ໄມ້​ທີ່​ເອົາ​ລົງ​ປູກ​ໃນ​ຄັ້ງ​ນີ້​ປະ​ກອບ​ມີ: ຕົ້ນ​ໄມ້​ໃຫ້​ໝາກ ແລະ ຕົ້ນ​ໄມ້​ປະ​ດັບ​ຈຳ​ນວນ​ໜຶ່ງ ທັງ​ໝົດ​ນັ້ນ​ແມ່ນ​ການ​ປະ​ກອບ​ສ່ວນ​ເຂົ້າ​ໃນ​ຂະ​ບວນກ​ານ​ໃນ​ສັງ​ຄົມ ເປັນ​ການ​ສືບ​ສານ​ຮຽນ​ຮູ້ ຂອງ​ບັນ​ດາ​ພະ​ນັກ​ງານ-ລັດ​ຖະ​ກອນ​ເພື່ອ​ອຸ​ດົມ​ການ​ໃນ​ການ​ພັດ​ທະ​ນາ​ປົກ​ປັກ​ຮັກ​ສາ​ສິ່ງ​ແວດ​ລ້ອມ​ໃຫ້​ຍືນ​ຍົງ​ຄົງ​ຢູ່​ຕະຫຼອດ​ໄປ.

• < ຕໍ່ໄປ
• ຕໍ່ໄປ >