ປາຖະກະຖາວັນປະກາດເອກະລາດ

ລາຍລະອຽດ

ສ້າງຂື້ນເມື່ອ ວັນພຸດ, 28 ຕຸລາ 2020 04:02

ຂຽນໂດຍ ຫຸມ​ແພງ

ເມືອງ​ນານ​ຈັດ​ຕັ້ງພິທີປາຖະກະຖາວັນປະກາດເອກະລາດ ຄົບຮອບ 75 ປີ

ລະ​ຫວ່າງ​ທ້າຍ​ເດືອນ ຕຸລາ 2020 ຜ່ານ​ມາ​ນີ້ ຢູ່ທີ່ຫ້ອງປະຊຸມໃຫຍ່ຂອງເມືອງນານ ໄດ້ຈັດຕັ້ງພິທີໂຄສະນາປາຖກະຖາວັນປະກາດເອກະລາດ ຄົບຮອບ 75 ປີ (12/10/1945 –12/10/2020 ) ​ຂື້ນ​ເປັນ​ທາງ​ການ​ໂດຍໃຫ້ກຽດເປັນປະທານ ຂອງທ່ານ ທອນ ອີອຳພອນ ຮອງເລຂາພັກເມືອງ ປະທານກວດກາພັກ-ລັດເມືອງ ມີຄະນະປະຈໍາພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ນາຍ ແລະ ພົນຕຳຫຼວດ,ນາຍ ແລະ ພົນທະຫານ,

ສູນບໍລິການໄຟຟ້າເມືອງ, ລັດວິສາຫະກິດນ້ຳປະປາ, ສະມາຊິກພັກພະນັກງານລັດຖະກອນ, ສູນ 598, ພະນັກງານປະຕິວັດອາວຸໂສບຳນານ ແລະ ເລຂາ-ຮອງເລຂາໜ່ວຍພັກບ້ານ 15 ບ້ານເທດສະບານ ເຂົ້າຮ່ວມລວມທັງໝົດ 132 ຄົນ, ຍິງ 53 ຄົນ,ສະມາຊິກພັກມີ 122 ສະຫາຍ, ຍິງ 30 ສະຫາຍ.

ໃນ​ພິ​ທີທ່ານ ທອງວັນ ແດງສະຫວັດ ກຳມະການພັກເມືອງຫົວໜ້າຄະນະໂຄສະນາອົບຮົມເມືອງ ຂື້ນຜ່ານຄຳສັ່ງແນະນຳຂອງຄະນະປະຈຳພັກແຂວງ ແລະ ຂໍ້ຕົກລົງຂອງທ່ານ ເຈົ້າເມືອງ ຈາກນັ້ນ ທ່ານ ທອນ ສີອຳພອນ ໃຫ້ກຽດປາຖະກະຖາເລົ່າມູນເຊື້ອວັນປະກາດເອກະລາດ ຄົບຮອບ 75 ປີ, ​

ໃນ​ຕອນ​ທ້າຍ​ຂອງ​ພິ​ທ​ີ ທ່ານ ທອນ ສີ​ອຳ​ພອນໄດ້ໂອ້ລົມບັນດາທ່ານ ພະນັກງານທຸກພາກສ່ວນ ແລະ ພໍ່ແມ່ປະຊາຊົນໃຫ້ເພີ່ມທະວີຄວາມສາມັກຄີປອງດອງ, ສ້າງຄວາມເຂັ້ມແຂງດ້ວຍຕົນເອງ ແລະ ເຊີດຊູນ້ຳໃຈຮັກຊາດຕິດພັນກັບການຊຸກຍູ້ການພັດທະນາໃຫ້ດຳເນີນໄປຢ່າງຕັ້ງໜ້າພ້ອມນັ້ນຍັງໄດ້ເນັ້ນໜັກໃຫ້ພະນັກງານໜຸ່ມນ້ອຍເອົາໃຈໃສ່ຕໍ່ການເຄົາລົບນັບຖືພະນັກງານປະຕິວັດອາວຸໂສບຳນານ ແລະ ຜູ້ທີ່ເສຍອົງຄະໃນປາງສົງຄາມຜ່ານມາອິກດ້ວຍ.

• < ຕໍ່ໄປ
• ຕໍ່ໄປ >